Nga dita e sotme deri të shtunën, banorët e Big Brother VIP do të përballen me një sfidë të veçantë të mosreagimit, e cila do të zgjasë katër ditë me radhë. Në shtëpinë e famshme është aktivizuar një numërues mbrapsht që paralajmëron një risi dhe shpërblime për ata që arrijnë të qëndrojnë pa reaguar ndaj çdo ngjarjeje apo personi që mund të hyjë në ambientet e shtëpisë. Produksioni ka njoftuar banorët përmes një zarfi dhe një mesazhi në ekran, duke i sfiduar ata të tregojnë vetëkontroll dhe durim gjatë kësaj prove. Në fund të sfidës, në prime të së shtunës, do të zbulohet surpriza dhe do të shpërndahen benefitet për ata që e përmbushin me sukses këtë detyrë.