Këngëtarja kolumbiane Shakira është parë në Los Angeles në shoqërinë e aktorit meksikan Manuel Garcia-Rulfo, i njohur për rolin e tij në serialin e Netflix “The Lincoln Lawyer”. Ata janë fotografuar duke dalë së bashku nga një hotel luksoz dhe më pas janë larguar me të njëjtin automjet, ku aktori ishte në timon, duke nxitur spekulime për një lidhje të mundshme mes tyre. Ky takim erdhi gjatë një pauze të shkurtër në turneun botëror të Shakirës “Las Mujeres Ya No Lloran World Tour”, pas dy koncerteve në Los Angeles. Megjithatë, Shakira kishte deklaruar pak ditë më parë se nuk është e fokusuar në një marrëdhënie të re, ndërsa edhe Manuel Garcia-Rulfo ka përfunduar një lidhje më parë gjatë këtij viti. Në rrjetet sociale është shpërndarë edhe një video ku ata shihen duke kërcyer së bashku në një restorant në Hollywood, duke shtuar më shumë dyshime për një lidhje romantike.