Futbolli dhe muzika kanë shkuar gjithmonë paralelisht në Kampionatet Botërore të FIFA-s, ku disa këngë janë bërë himne të paharrueshme për tifozët. Në Botërorin e vitit 2006, Shakira dhe Wyclef Jean performuan “Hips Don't Lie (Bamboo)”, një këngë që shumë e konsiderojnë si kolona zanore e vërtetë të atij turneu, duke nisur kështu një lidhje të veçantë të saj me Kupën e Botës. Në 2010, ajo solli “Waka Waka (This Time for Africa)”, një hit global që përfaqësoi frymën e Afrikës së Jugut dhe u bë një fenomen botëror, ndërsa në 2014 u përfshi sërish në atmosferën latine të Brazilit me “La La La (Brazil 2014)”. Për edicionin e vitit 2026, që mbahet në SHBA, Kanada dhe Meksikë, Shakira rikthehet me këngën “Dai Dai”, një bashkëpunim me Burna Boy që ndërthur ritme latine dhe afrikane, duke forcuar edhe më shumë statusin e saj si artistja më e lidhur me historinë muzikore të Botërorëve.