Këngëtarja kolumbiane Shakira do të jetë përsëri protagoniste muzikore e Kupës së Botës FIFA 2026 me këngën e saj të re “Dai Dai”, e cila do të shërbejë si himni zyrtar i këtij turneu që mbahet në Shtetet e Bashkuara, Meksikë dhe Kanada. Kjo është hera e tretë që Shakira lidhet me muzikën e Botërorit, pas suksesit të këngëve “Waka Waka” në 2010 dhe “La La La” në 2014. Ajo njoftoi lajmin përmes një videoje të shkurtër në rrjete sociale, ku shfaqet në stadiumin Maracana në Rio de Janeiro, ndërsa kënga pritet të publikohet më 14 maj. Organizatorët shpresojnë që “Dai Dai” të bëhet simbol i edicionit të ardhshëm, duke shoqëruar momentet kryesore të turneut dhe festimet e tifozëve në stadiume dhe zona për fansat.