Këngëtarja kolumbiane Shakira do të jetë përsëri protagoniste e muzikës zyrtare të Kupës së Botës FIFA 2026 me këngën e saj të re “Dai Dai”. Pas suksesit të këngëve “Waka Waka” në 2010 dhe “La La La” në 2014, ajo rikthehet në skenën botërore të futbollit me një bashkëpunim me muzikantin nigerian Burna Boy, të regjistruar në stadiumin legjendar Maracanã. Kënga do të publikohet zyrtarisht më 14 maj, ndërsa premiera do të bëhet në hapjen e Kupës më 11 qershor. Titulli “Dai Dai” vjen nga gjuha italiane dhe do të thotë “le të shkojmë”, megjithëse për ironi të fatit, Italia nuk do të jetë pjesëmarrëse në këtë edicion të Kupës së Botës.