Në Vjenë ka nisur edicioni i 70-të i Eurovision Song Contest, ku 35 vende garojnë për kurorën e muzikës evropiane. Mbrëmë u zhvillua nata e parë gjysmëfinale ku u zgjodhën 10 finalistët e parë, ndërsa Shqipëria do të performojë të enjten në gjysmëfinalen e dytë me këngëtarin Alis dhe këngën “Nan”, që mban një mesazh të fuqishëm për figurën e nënës. Performanca e Alisit ka tërhequr vëmendjen e mediave ndërkombëtare dhe mbështetja e diasporës është thelbësore për kalimin në finale, për shkak të rregullave të reja të votimit që kufizojnë numrin e votave dhe ndalojnë votimin brenda territorit të Shqipërisë. Pas përfundimit të natës së parë, emocionet janë rritur për natën e dytë, ku gjithë sytë janë drejtuar nga Shqipëria dhe performanca e saj, ndërsa finalja e madhe do të zhvillohet më 16 maj në Vjenë.