Dua Lipa ka investuar rreth 3.5 milionë euro në rinovimin e shtëpisë së saj luksoze në Londër, një pronë që bleu në vitin 2020 për 8 milionë euro. Projekti i rinovimit, që përfshin një mega-bodrum me pishinë, palestër, kinema private dhe studio muzikore, është ndër më kompleksët në lagjen West Hampstead dhe pritet të përfundojë në korrik të vitit 2027. Punimet kanë nisur vetëm në vitin 2024 për shkak të vonesave nga procedurat e lejeve dhe kundërshtimeve të banorëve, ndërsa ekipi i ndërtimit duhet të respektojë masa strikte për të ruajtur mjedisin dhe qetësinë e zonës. Deri atëherë, Dua Lipa dhe bashkëshorti i saj, Callum Turner, jetojnë me qira pranë pronës, duke pritur që rezidenca e tyre të bëhet një nga më luksozet dhe funksionale për jetën dhe karrierën e artistes.