Matt Damon ka rrëfyer se ai dhe Ben Affleck, pavarësisht suksesit të jashtëzakonshëm të filmit “Good Will Hunting” dhe fitimit të çmimit Oscar për skenarin, mbetën pothuajse pa para pak kohë pas lançimit. Ata e shitën skenarin për 600 mijë dollarë, por pas taksave dhe komisioneve, secilit iu mbetën më pak se 150 mijë dollarë. Fillimisht shpenzuan paratë për makina dhe qira në Los Angeles, por shpejt kuptuan se nuk do t’u mjaftonin dhe u detyruan të kërkonin punë të reja. Damon tregoi gjithashtu se një refuzim në audicionin për filmin “Primal Fear” i shtyu ata të shkruanin vetë skenarin që ndryshoi jetën e tyre, duke u bërë një sukses ndërkombëtar me fitime prej rreth 225 milionë dollarësh dhe dy çmime Oscar.