Këngëtarja me famë botërore Dua Lipa kurorëzoi lidhjen e saj me aktorin Callum Turner në një ceremoni private në Londër më 31 maj, por festa e vërtetë pritet të zhvillohet në një mega-dasmë në Sicili. Ngjarja do të mbahet në ambientet luksoze të Villa Valguarnera dhe do të mblidhë emra të mëdhenj të industrisë së muzikës dhe Hollivudit, përfshirë Elton John dhe Charli XCX, si dhe figura të njohura të modës globale. Një detaj i veçantë është prania e këngëtarit të njohur shqiptar Sinan Vllasaliu, i cili do të performojë në këtë event triditor, duke sjellë një atmosferë shqiptare dhe duke theksuar lidhjen e Duas me rrënjët e saj. Mbetet për t’u parë nëse do të ketë edhe artistë të tjerë shqiptarë në mesin e të ftuarve dhe performuesve të kësaj dasme VIP.