Këngëtari Labinot Tahiri njoftoi me entuziazëm se janë mbledhur të gjitha mjetet financiare të nevojshme për trajtimin e ish-ushtarit të UÇK-së dhe ish-të burgosurit politik, Gani Koci. Vetëm një ditë pas nisjes së fushatës publike, janë grumbulluar mbi 50 mijë euro, falë solidaritetit të jashtëzakonshëm të diasporës shqiptare dhe qytetarëve në Kosovë dhe trojet shqiptare. Tahiri falënderoi veçanërisht diasporën, duke theksuar rolin e saj të pandalshëm në mbështetjen e familjeve në nevojë për dekada me radhë. Ai përfundoi me një mesazh shprese dhe mirënjohjeje për veteranët e luftës, duke u uruar Gani Kocit shërim të shpejtë dhe jetë të gjatë.