Këngëtarja shqiptare Soni Malaj, pjesë e spektaklit “Ferma VIP 3”, ka rrëfyer se edhe pse është ndarë nga ish-bashkëshorti i saj, balerini dhe aktori italian Mirko, ata vazhdojnë të jetojnë në të njëjtën vilë në Itali. Sipas saj, kjo zgjedhje është bërë për të ruajtur stabilitetin dhe qetësinë emocionale të vajzës së tyre, Anna, duke shmangur ndryshime të mëdha në jetën e përditshme të saj. Vila është shumë e madhe, gjë që u mundëson të kenë hapësirat e tyre personale edhe pse ndodhen nën të njëjtën çati. Kjo situatë e pazakontë ka habitur edhe konkurrentet e spektaklit, duke shkaktuar reagime të ndryshme për mënyrën e tyre të veçantë të bashkëjetesës pas ndarjes.