Sunny Hill Festival 2026 ka nisur zyrtarisht me daljen në shitje të biletave Believers, grupi më i lirë dhe i pari i biletave, që shpërblen fansat më besnikë të festivalit. Ky edicion pritet të jetë më i madh se kurrë, me më shumë artistë ndërkombëtarë, skena dhe një program të zgjeruar, duke e kthyer Prishtinën në një destinacion kryesor të muzikës dhe kulturës në Evropë. Festivali ka pasur një rritje të qëndrueshme dhe ndikim të madh ekonomik në Kosovë, duke tërhequr pjesëmarrës nga mbi 60 vende dhe duke u renditur ndër Top 10 festivalet më të mira në Evropë për tre vite radhazi. Me nisjen e shitjes së biletave, fillon numërimi mbrapsht për një tjetër verë të paharrueshme dhe të suksesshme të Sunny Hill Festival.