Edicioni i sivjetmë i Sunny Hill Festival vazhdon sonte me natën e dytë, ku skena kryesore do të ndezet nga performanca e yllit skocez Lewis Capaldi, i cili do të ngjitet në skenë nga ora 22:30 deri në mesnatë. Para tij, publiku do të ketë mundësinë të shijojë performanca të artistëve vendorë si Esdeekid, Auxlua, si dhe një bashkëpunim të veçantë mes Lumi B, Ledri Vula, MC Kresha dhe Lyrical Son. Në skenat e tjera të festivalit, emra të njohur si Buta, EKO, Locky, dhe të tjerë do të kontribuojnë në atmosferën e ngrohtë dhe festive. Nata e dytë pritet të mbledhë mijëra adhurues të muzikës në Parkun e Sunny Hill në Prishtinë, duke vazhduar suksesin dhe energjinë e hapjes së festivalit.