Entuziazmi për edicionin e sivjetmë të Sunny Hill Festival është në kulmin e tij, me 90% të biletave tashmë të shitura vetëm gjashtë ditë para fillimit. Organizatorët kanë bërë thirrje që ata që nuk kanë siguruar ende biletë të nxitojnë, pasi numri i biletave të mbetura është shumë i kufizuar. Festivali do të hapet me performancën e superyllit amerikan Katy Perry, ndërsa natën e dytë do të argëtojë këngëtari skocez Lewis Capaldi. Mbyllja spektakolare do t’i besohet DJ-it dhe producentit Martin Garrix, duke garantuar një përvojë të paharrueshme për publikun vendas dhe ndërkombëtar.