Pas vendimit të Gjykatës Themelore për të caktuar 30 ditë paraburgim këngëtarit Besart Kelmendi, i njohur si Gjesti, reperja Tayna ka reaguar publikisht në mbështetje të tij. Ajo përmes një postimi në rrjetet sociale ka theksuar presionin dhe sfidat që përballen artistët, duke shpjeguar se shpesh publiku gjykon reagimet e tyre pa kuptuar arsyet që i shtyjnë deri në atë pikë. Tayna ka ndarë një fotografi ku shfaqet me Gjestin në skenë dhe ka theksuar se kur puna dhe djersa e artistëve nuk respektohen, dhimbja bëhet revoltë. Ajo ka bërë thirrje për solidaritet mes artistëve dhe drejtësi për krijimet e tyre, duke e konsideruar çështjen e Gjestit si një sfidë që prek gjithë industrinë muzikore.