Reperja Tayna ka njoftuar lansimin e albumit të saj të dytë, “Genesis”, i cili do të jetë i disponueshëm në Spotify nga ora 00:00 dhe më pas në YouTube në orën 18:00 të ditës së nesërme. Ky projekt muzikor përmban një përzgjedhje të veçantë të krijimeve të saj, duke përfshirë pjesë të vjetra dhe të reja, si dhe stile të ndryshme që shprehin anët e ndryshme të personalitetit të saj artistik. Tayna thekson se pas albumit qëndron një ekip i madh që ka punuar për të realizuar vizionin e saj dhe për të ofruar një përvojë të veçantë dëgjuesve. Ajo shpreh mirënjohje për të gjithë bashkëpunëtorët dhe shpreson që publiku ta përjetojë dhe ta pëlqejë albumin ashtu siç e ndjeu vetë gjatë krijimit.