Më 11 korrik, Tirana do të presë koncertin më të madh muzikor në historinë e Shqipërisë, me reperin amerikan Kanye West në krye të skenës. Për këtë event është ngritur posaçërisht “Eagle Stadium”, një stadium i ri pranë autostradës Tiranë–Durrës, që mund të akomodojë rreth 60 mijë spektatorë. Kryeministri Edi Rama ka theksuar se interesimi ndërkombëtar për këtë koncert ka tejkaluar edhe finalen e Conference League të vitit 2022, duke e bërë kryeqytetin shqiptar një qendër botërore të spektaklit muzikor për një natë. Organizimi është realizuar nga kompania "Streetlife" me seli në Berlin, e njohur për evente të mëdha me artistë ndërkombëtarë, ndërsa çmimet e biletave variojnë nga 120 deri në 339 euro për paketat VIP.