Tom Cruise ka befasuar publikun me transformimin e tij të jashtëzakonshëm në filmin e ri “Digger”, ku shfaqet pothuajse i panjohur për shkak të përdorimit të protezave, grimit dhe ndryshimit të pamjes. Në këtë komedi të zezë satirike, ai luan miliarderin e industrisë së naftës Digger Rockwell, i cili përpiqet të ndalojë një katastrofë ekologjike globale që lidhet me veprimet e tij të mëparshme. Trailer-i i filmit, i regjisorit Alejandro González Iñárritu, ka ngjallur reagime të shumta në rrjetet sociale, ku fansat shprehen të habitur dhe nuk e njohin fillimisht aktorin, duke vlerësuar guximin e tij për të lënë mënjanë rolet e zakonshme me aksion. Filmi do të dalë në kinema më 2 tetor dhe pritet që interpretimi i Cruise të jetë një kandidat serioz për çmimin “Oscar”.