Aktori i njohur Pierce Brosnan ka bërë një transformim të jashtëzakonshëm për rolin e tij të ri në filmin “Giant”, ku portretizon trajnerin legjendar irlandez të boksit Brendan Ingle. Pas publikimit të trailer-it, pamja e tij e ndryshuar rrënjësisht, me flokë të thinjur, syze dhe tipare të plakura, ka tërhequr shumë vëmendje dhe ka bërë që fansat ta njohin me vështirësi në shikim të parë. Filmi ndjek jetën e boksierit Prince Naseem Hamed dhe thekson marrëdhënien e veçantë mes tij dhe trajnerit të tij, si dhe sfidat shoqërore dhe paragjykimet në Britaninë e Madhe gjatë viteve ’80 dhe ’90. “Giant” është shfaqur tashmë në disa festivale dhe pritet të dalë në kinema gjatë vitit 2026.