Bes Kallaku ka tërhequr vëmendjen e ndjekësve me një fotografi ku shfaqet duke u lutur para një kryqi, ndërsa në gishtin e tij dallon një unazë që ka ndezur spekulimet për jetën e tij sentimentale. Postimi i shoqëruar me këngën “Happiest Year” dhe mesazhin “Faleminderit Zot” ka shtuar dyshimet se ai dhe partnerja e tij, Ejona, mund të kenë bërë një hap të rëndësishëm në marrëdhënien e tyre. Më parë, Besi kishte bërë tatuazh emrin e Ejonës dhe kishte folur hapur për ndjenjat e tij gjatë një koncerti, duke e falënderuar për rikthimin e buzëqeshjes në jetën e tij. Megjithatë, çifti vazhdon të ruajë privatësinë, dhe deri tani nuk ka konfirmim nëse unaza tregon për fejesë apo martesë, apo është thjesht një detaj personal.