Ish-konkurrentja e “Ferma VIP”, Vanesa Sono, ka vendosur të tërhiqet nga pjesëmarrja në spektaklin Prime, duke mos qenë e pranishme në studion e mbrëmjes së sotme. Ajo ka shpjeguar se kjo vendimmarrje erdhi pas një letre që produksioni donte ta bënte publike dhe që u përdor si mjet presioni për të detyruar një ballafaqim me dy ish-konkurrente të tjera, Klevisën dhe Sarën, të cilin Vanesa e refuzoi. Në reagimin e saj, Vanesa ka theksuar se nuk do të lejojë që figura e saj dhe e vajzave të përdoret për audiencë apo intrigë, duke falënderuar mbështetësit dhe duke theksuar sinqeritetin e saj gjatë gjithë kohës. Ndërkohë, Indri ka deklaruar live në Prime se do të përfundojë marrëdhënien me Vanesën, duke shpjeguar se ka ndjerë më shumë liri pa të dhe se ajo meriton dikë që e do me të vërtetë.