Vanesa Sono, ish-konkurrentja e “Ferma VIP”, po përgatit një projekt të ri muzikor që ka ndezur diskutimet në rrjetet sociale. Në një fragment të publikuar në TikTok, ajo këndon vargje që përshkruajnë zhgënjim, dyshime dhe ndjenja të lënduara, të cilat ndjekësit i lidhin me marrëdhënien e saj të tensionuar me Indrin pas daljes nga spektakli. Indri kishte deklaruar më parë se nuk kishte ndjerë mungesën e Vanesës gjatë kohës që ajo ishte jashtë dhe kishte përfunduar lidhjen me një letër publike. Deri tani, Vanesa nuk ka konfirmuar nëse kënga është dedikim i drejtpërdrejtë për këtë histori, por reagimet në rrjet tregojnë se audienca është e bindur për lidhjen mes tyre.