Këngëtarja Vanesa Sono ka folur për herë të parë publikisht për përfundimin e marrëdhënies së saj me aktorin Indri Shiroka, një lidhje që u ndoq me interes gjatë pjesëmarrjes së tyre në “Ferma VIP”. Në një intervistë për “Prive”, Vanesa theksoi se gjatë kohës në fermë ishte gjithmonë e sinqertë dhe se ndjenjat e saj nuk kanë ndryshuar pas daljes nga programi. Ajo bëri të ditur se vendimi për t’i dhënë fund lidhjes ishte marrë nga Indri dhe se ajo e ka pranuar dhe respektuar këtë zgjedhje, pavarësisht mënyrës së pazakontë të ndarjes, e cila u bë përmes një letre të lexuar live nga aktori. Për më tepër, Vanesa rikujtoi se edhe ajo kishte ndërmarrë një veprim të ngjashëm ndaj Indrit para fillimit të lidhjes, duke theksuar se historia e tyre ka pasur momente të papritura që pak kush i kishte parashikuar.