Aktori i njohur Michael Patrick ndërroi jetë në moshën 35-vjeçare pas një beteje të gjatë me sëmundjen e neuroneve motorike, një sëmundje që shkatërron gradualisht neuronet përgjegjëse për funksione jetike si frymëmarrja dhe lëvizja. Lajmin e trishtë e konfirmoi bashkëshortja e tij, Naomi Sheehan, e cila në një postim prekës në Instagram e përshkroi Michaelin si një “gjigant me flokë të kuq” dhe një “frymëzim”, duke theksuar se ai jetoi jetën me gëzim, forcë shpirti dhe një të qeshur ngjitëse. Michael Patrick ishte i njohur për rolet e tij në seriale të njohura si “Game of Thrones”, “Blue Lights”, “My Left Nut” dhe “This Town”. Ai u diagnostikua me këtë sëmundje në shkurt të vitit 2023 dhe luftoi me kurajë deri në fund, duke lënë një trashëgimi të rëndësishme në industrinë e aktrimit.