Zanfina Ismaili, e cila prej vitesh është larguar nga skena muzikore, vazhdon të jetë aktive në rrjetet sociale dhe të komunikojë me ndjekësit e saj. Së fundmi, gjatë një sesioni pyetje-përgjigje në Instagram, ajo u përgjigj në mënyrë të veçantë për pyetjen nëse mendon të krijojë familje, duke publikuar një thënie që nënkupton se preferon të qëndrojë beqare sesa të bëjë kompromise për lumturinë. Artistja shtoi edhe një shaka për “hajmalian” që ende nuk ka dhënë efekt, duke treguar një qasje të lehtë dhe me humor ndaj temës. Kur u pyet për rikthimin në muzikë, Zanfina u shpreh qartë se nuk ka plane për t’u rikthyer në skenë, duke theksuar se ka përfunduar me muzikën në vitin 2017.