Zayn Malik ka reaguar pas një videoje virale ku shihej duke u përplasur verbalisht me disa persona jashtë një hoteli, ndërsa përpiqej të hipte në makinën e tij. Ai mohoi se kishte pasur sjellje të keqe ndaj fansave, duke sqaruar se personat me të cilët pati përplasje nuk ishin fansa të vërtetë, por disa burra që e bllokuan atë dhe ekipin e sigurisë për rreth 10 minuta. Këngëtari i cilësoi këta persona si përndjekës që kërkojnë të krijojnë përmbajtje në rrjete sociale duke ndjekur figura publike. Pas reagimit të Zayn, shumë ndjekës shprehën mbështetje për të, duke theksuar të drejtën e tij për të vendosur kufij për privatësinë dhe sigurinë personale, ndërsa ai është rikthyer në skenë pas një periudhe të shkurtër pushimi për arsye shëndetësore.