Sekretari i Përgjithshëm i Komitetit Olimpik të Kosovës, Besim Aliti, ka ndarë pamje nga stadiumi “Iacovone” në Taranto, i rindërtuar për Lojërat Mesdhetare 2026, duke theksuar rëndësinë e këtij investimi për komunitetin dhe zhvillimin sportiv. Ai ka shprehur shpresën që Prishtina, si nikoqire e Lojërave Mesdhetare 2030, të përfitojë një stadium modern të ngjashëm, që do të shërbejë si një trashëgimi e rëndësishme për sportin kosovar dhe gjeneratat e ardhshme. Ky stadium do të jetë një investim afatgjatë, i cili do të kontribuojë në zhvillimin e sportit dhe infrastrukturës në kryeqytet. Përmes këtij paralajmërimi, Aliti nxit pritshmëri për përmirësime të mëdha në ambientet sportive të Kosovës.