Arijan Ademi, ish-kapiteni legjendar i Dinamos së Zagrebit, po kalon një periudhë të vështirë te Ujpesti në Hungari, ku ka luajtur vetëm 26 minuta në pesë ndeshjet e para të sezonit. Minutazhi i tij i ulët dhe mungesa e rolit të rëndësishëm në ekip kanë bërë që të shtohen spekulimet për largimin e tij gjatë afatit kalimtar veror. Media kroate raporton se Ademi po shqyrton mundësitë për t’u rikthyer në Kroaci, me interes konkret nga klubet Gorica dhe Rudesh, ndërsa ekziston edhe mundësia e huazimit nga Ujpesti ose një zgjidhje e përbashkët e kontratës. Deri më 7 shtator pritet të vendoset nëse Ademi do të vazhdojë karrierën në ligën kroate, ndërsa ai vetë dëshiron të luajë edhe një sezon në një nivel serioz.