Presidenti i Federatës së Futbollit të Kosovës, Agim Ademi, së bashku me anëtarë të tjerë të FFK-së, zhvilluan një takim me zëvendëskryeministrin dhe ministrin e Punëve të Jashtme, Glauk Konjufca. Gjatë takimit u diskutuan përgatitjet e Kombëtares së Kosovës për ndeshjen kundër Sllovakisë në “play-off”-in për Kupën e Botës 2026 dhe organizimi i udhëtimit të ekipit drejt Bratisllavës. Konjufca përgëzoi ekipin për rezultatet e arritura dhe theksoi rëndësinë e punës ekipore dhe angazhimit përfaqësues të vendit në arenën ndërkombëtare. Ai gjithashtu garantoi mbështetjen e plotë të institucioneve shtetërore në këtë rrugëtim historik, ndërsa Ademi falënderoi për pritjen dhe mbështetjen e vazhdueshme ndaj ekipit kombëtar.