E ardhmja e Karim Adeyemit te Borussia Dortmund mbetet e pasigurt, pasi sulmuesi ka humbur rol kryesor në gjysmën e dytë të sezonit dhe nuk është thirrur për ndeshjet e fundit të ekipit kombëtar. Klubi i ka ofruar vazhdimin e kontratës, e cila skadon në vitin 2027, por rinovimi duket gjithnjë e më i vështirë për shkak të situatës së lojtarit dhe interesit të tij për një transferim në Ligën Premier. Borussia Dortmund ka ulur çmimin e kartonit të Adeyemit nga 60 në 50 milionë euro, duke e bërë më të mundshëm një transferim gjatë afatit kalimtar veror. Interes për sulmuesin kanë shfaqur klubet e mëdha europiane si Juventus, Roma, Chelsea, Manchester United dhe Arsenal, dhe mbetet për t’u parë se cili prej tyre do të jetë i gatshëm të bëjë ofertën e duhur.