Trajneri boshnjak Adis Beqiragiq ka vazhduar kontratën me klubin mitrovicas të basketbollit, Trepça, edhe për një stinor tjetër, duke qëndruar në krye të skuadrës deri në fund të sezonit 2026/2027. Ai udhëheq Trepçën që nga viti 2023 dhe gjatë kësaj periudhe ka fituar pothuajse të gjitha trofetë e mundshëm në basketbollin kosovar, përfshirë dy herë titullin kampion të Kosovës, Kupën dhe Superkupën e Kosovës, si dhe dy tituj të Ligës Unike. Klubi kampion i Kosovës e konfirmoi zyrtarisht rinovimin e kontratës me trajnerin 55-vjeçar, i cili është edhe trajner i kombëtares boshnjake të basketbollit. Vazhdimi i bashkëpunimit synon arritjen e sukseseve të reja dhe konsolidimin e dominimit të Trepçës në basketbollin kosovar.