Afrim Tovërlani ka dhënë dorëheqje nga posti i kryetrajnerit të FC Prishtinës, pas humbjes së thellë 3:0 ndaj Ferizajt në Superligë. Ai kishte marrë drejtimin e skuadrës më 25 nëntor dhe gjatë periudhës së tij drejtuese, Prishtina zhvilloi 15 ndeshje, me bilanc prej 4 fitoreve, 3 barazimeve dhe 8 humbjesh. Klubi e falënderoi Tovërlanin për angazhimin dhe profesionalizmin dhe i uroi suksese në karrierën e tij të mëtejshme. Aktualisht, Prishtina renditet në vendin e tretë me 38 pikë, dy më pak se liderët Ballkani dhe Drita, ndërsa klubi do të njoftojë së shpejti për zhvillimet e reja lidhur me trajnerin e ri.