Kryetari i Federatës së Futbollit të Kosovës, Agim Ademi, ka bërë thirrje të veçanta për tifozët para ndeshjes finale të “play-offit” mes Kosovës dhe Turqisë, që do të zhvillohet më 31 mars në stadiumin “Fadil Vokrri”. Ai ka kërkuar që biletat e blera të mos shiten, veçanërisht që të mos kalojnë tek tifozët turq, duke theksuar kapacitetin e vogël të stadiumit dhe rëndësinë e mbështetjes së tifozëve kosovarë. Ademi gjithashtu i ka ftuar shqiptarët nga të gjitha trevat që të jenë bashkë në përkrahje të kombëtares, duke theksuar se kjo është ndeshja më e madhe në historinë e Kosovës dhe se fituesi do të kualifikohet në Kampionatin Botëror 2026. Ai ka sqaruar se pjesëmarrja e tifozëve turq është e detyruar nga rregullat e UEFA-s, por ka bërë apel që mbështetja kryesore të jetë për Kosovën në këtë moment historik.