Agjenti i Julian Alvarezit, Fernando Hidalgo, ka kritikuar ashpër drejtuesit e Atletico Madridit për refuzimin e tyre për ta shitur sulmuesin te Barcelona këtë verë. Në një postim në Instagram, ai publikoi një thënie thumbuese që nënkupton mungesë sinqeriteti nga ana e klubit, duke thënë se "Mos e pyet kurrë një gënjeshtar pse gënjeu, sepse për ta shpjeguar, do të duhej të gënjente përsëri". Ky reagim erdhi pas insistimit të Atleticos për të mos lejuar largimin e Alvarezit, duke kërkuar një shumë shumë më të madhe se ofertat e tjera, madje duke përmendur klauzolën prej 500 milionë eurosh. Tifozët e Atleticos janë të ndarë, disa prej tyre duke kërkuar largimin e lojtarit dhe shfaqur pakënaqësi në rrugët e Madridit, ndërsa klubi mbetet i vendosur në qëndrimin e tij.