Pas pesë viteve të përkushtimit dhe sukseseve me FC Malisheva, mesfushori Agon Xhaka ka vendosur të përfundojë aventurën e tij me këtë klub. Ai njoftoi largimin përmes një mesazhi emocional ku falënderoi drejtuesit, stafin teknik, bashkëlojtarët dhe tifozët për mbështetjen e vazhdueshme gjatë kësaj periudhe. Xhaka shprehu mirënjohje dhe krenari për arritjet e përbashkëta dhe theksoi se Malisheva do të mbetet gjithmonë një pjesë e veçantë e karrierës së tij. Sipas burimeve të afërta, ai do të vazhdojë karrierën në Superligën e Kosovës, ku pritet të zyrtarizohet te një klub i ri në ditët në vijim.