Xhudisti i njohur kosovar, Akil Gjakova, ka hapur një kapitull të ri në karrierën e tij sportive duke synuar pjesëmarrjen në Lojërat Olimpike, të cilat do të jenë të treta për të. Në rrjetet sociale, ai ka shprehur falënderime të veçanta për kompaninë DRENA, e cila ka qenë një nga sponsorët dhe mbështetësit e tij të parë që nga fillimi i karrierës. Për më shumë se 13 vjet në elitën botërore të xhudos, Gjakova ka përfaqësuar me dinjitet Kosovën në arenën ndërkombëtare, duke u mbështetur fuqishëm nga partnerë që kanë besuar në të. Kompania DRENA shpreh krenarinë për këtë bashkëpunim dhe i uron suksese në ciklin e ri olimpik, duke besuar se përkushtimi dhe karakteri i sportistit do ta çojnë përsëri në majat e sportit botëror.