Klubi saudit Al-Hilal ka nisur kontaktet e para me përfaqësuesit e Ousmane Dembeles, duke shfaqur interes serioz për transferimin e sulmuesit francez nga Paris Saint-Germain gjatë kësaj vere. Nëse Dembeles jep pëlqimin, Al-Hilal pritet të bëjë një ofertë të madhe, duke synuar të forcojë skuadrën me një nga yjet më të mëdhenj të futbollit evropian. Megjithatë, PSG nuk dëshiron të humbasë një prej lojtarëve të saj kyç dhe po përgatit një kontratë të re afatgjatë për Dembelen, duke tentuar ta mbajë atë në klub. Deri tani nuk ka asnjë deklaratë zyrtare nga PSG apo lojtari, ndërsa negociatat mbeten të komplikuara për shkak të kontratës së vlefshme deri në vitin 2028 dhe rëndësisë së Dembeles në projektin e trajnerit Luis Enrique.