Sulmuesi kosovar Albion Rrahmani është shumë pranë transferimit te skuadra italiane Venezia në Serie A gjatë afatit kalimtar të verës. Ai ka arritur marrëveshje personale me klubin italian, ndërsa tani mbeten vetëm detajet për t’u finalizuar me klubin aktual, Sparta Praga. Vlera e transferimit raportohet të jetë rreth 7 milionë euro, dhe operacioni pritet të mbyllet brenda 48 orëve të ardhshme. Ky transferim do të shënojë një hap të rëndësishëm në karrierën e 25-vjeçarit, i cili shihet si një përforcim kyç për repartin ofensiv të Venezia-s në sezonin e ri.