Albion Rrahmani, sulmuesi i njohur i Sparta Pragës dhe përfaqësuesi i Kosovës, vizitoi Fakultetin e Edukimit Fizik dhe Sportit në Universitetin e Prishtinës. Gjatë vizitës, ai u prit nga menaxhmenti i fakultetit dhe zhvilloi një bashkëbisedim të hapur me studentët, ku ndau përvojat e tij nga karriera sportive dhe sfidat në futbollin ndërkombëtar. Studentët patën mundësinë të pyesnin Rrahmanin për rrugëtimin e tij dhe përkushtimin që kërkon suksesi në sport, duke marrë kështu një dozë motivimi dhe frymëzimi. Fakulteti vlerësoi këtë takim si një shembull të shkëlqyer të punës dhe përkushtimit, duke i uruar Rrahmanit suksese të mëtejshme në karrierën e tij.