Sulmuesi i Spartës së Pragës, Albion Rrahmani, ka pësuar një lëndim në ndeshjen e fundit të ekipit, duke rritur dyshimet për mungesën e tij në derbin kundër Slavias së Pragës, që do të zhvillohet të dielën në kampionatin çek. Rrahmani u zëvendësua pas pjesës së parë në ndeshjen e Kupës së Çekisë ndaj Mlada Boleslav, ku Sparta u eliminua pas penalltive, ndërsa trajneri Brian Priske konfirmoi se sulmuesi nuk ndihej mirë, pa dhënë detaje të mëtejshme. Deri në fund të javës pritet të dihet nëse Rrahmani do të rikuperohet dhe do të jetë i gatshëm për të luajtur kundër liderit të tabelës, Slavia, që ka një avantazh prej shtatë pikësh ndaj Spartës. Gjatë sezonit, sulmuesi kosovar ka shënuar 14 gola dhe ka dhënë 3 asistime në 37 ndeshje për Spartën, duke qenë një prej lojtarëve kyç të skuadrës.