Almir Kryeziu i Ballkanit është shpallur lojtari më i mirë i xhiros së 24-të në Superligën e Kosovës, pas një paraqitjeje të shkëlqyer në ndeshjen kundër Dritës. Ai kontribuoi me një gol dhe një asistim në fitoren 3:0 të ekipit të tij në Suharekë, një fitore që e riktheu Ballkanin në vendin e parë në tabelë. Federata e Futbollit e Kosovës dhe Komisioni i Veteranëve të futbollit kanë njohur performancën e tij duke i dhënë çmimin “Ylli i Javës”. Kryeziu shprehu kënaqësinë për vlerësimin dhe për formën e tij, duke falënderuar klubin dhe komisionin për mbështetjen gjatë sezonit.