Partizani ka zyrtarizuar afrimin e sulmuesit 26-vjeçar Altin Aliu, i cili ka firmosur një kontratë 1-vjeçare me opsion rinovimi për sezonin pasardhës. Futbollisti nga Gjilani vjen te “Demat” pas një sezoni të suksesshëm me Malishevën në Superligën e Kosovës, ku kontribuoi me 8 gola dhe 3 asistime. Aliu, që luan si anësor i majtë, është përforcimi i parë i Partizanit në merkato dhe do t’i bashkohet skuadrës në Pogradec për përgatitjet nën drejtimin e trajnerit Florin Bratu. Interesim për shërbimet e tij kishte shfaqur edhe Elbasani, por lojtari zgjodhi të vazhdojë karrierën në kryeqytet, duke nisur kështu eksperiencën e tij të parë në kampionatin shqiptar.