Amir Abrashi ka zgjatur kontratën me klubin zviceran Grasshopers për një vit tjetër, duke u bërë kështu pjesë e skuadrës deri në vitin 2027. Mesfushori 36-vjeçar, i cili konsiderohet një ikonë e klubit me mbi 280 paraqitje, ka shprehur mirënjohjen e tij për besimin dhe vlerësimin që klubi i ka dhënë, duke theksuar se Grasshopers është shtëpia e tij dhe se do të vazhdojë të japë gjithçka për ekipin. Abrashi, i cili ka kaluar edhe periudha te Freiburgu dhe Baseli, u rikthye te Grasshopersi në vitin 2021 dhe pritet të mbyllë karrierën e tij në Zvicër. Drejtori sportiv i klubit, Alain Suter, ka vlerësuar rëndësinë e Abrashit për ekipin, duke theksuar mentalitetin, përvojën dhe përkushtimin e tij të jashtëzakonshëm.