Amir Rrahmani, kapiteni i kombëtares së Kosovës në futboll dhe lojtar i Napolit, do të mungojë për të paktën dy muaj për shkak të një lëndimi serioz në kofshën e këmbës së majtë. Ai pësoi këtë dëmtim gjatë ndeshjes kundër Romës dhe aktualisht ndodhet në fazën e rehabilitimit, duke mos pritur rikthimin në fushë para fundit të prillit. Ky është lëndimi i tretë i Rrahmanit këtë sezon, që i ka shkaktuar mungesën në 12 ndeshje të Napolit në të gjitha garat. Mungesa e tij do të jetë një goditje e rëndë për Kosovën në ndeshjen e rëndësishme të play-offit për Botërorin 2026 kundër Sllovakisë.