Amir Rrahmani, kapiteni i Kombëtares së Kosovës dhe mbrojtësi i Napolit, është rikuperuar plotësisht nga lëndimi dhe pritet të jetë i gatshëm për ndeshjen e rëndësishme kundër Lazios këtë të shtunë në Serie A. Ai mungoi në shtatë ndeshjet e fundit të Napolit pas lëndimit të marrë më 15 shkurt në përballjen me Romën, por trajneri Antonio Conte ka vendosur ta ruajë për këtë duel, duke mos e rrezikuar në ndeshjen e fundit ndaj Parmës. Gjatë këtij sezoni, 32-vjeçari ka regjistruar 22 paraqitje, ka shënuar një gol dhe ka dhënë një asistim në kampionat. Napoli renditet i dyti në Serie A me 66 pikë, nëntë më pak se lideri Inter, dhe pritet të luftojë fort për vendin e dytë në kampionat.