Amir Rrahmani ka zgjatur kontratën e tij me Napolin deri në verën e vitit 2029, duke nënshkruar një marrëveshje që do t’i sigurojë një pagë prej 3.8 milionë eurosh në vit. Mbrojtësi i Kosovës ka refuzuar oferta nga Arabia Saudite, Turqia dhe Anglia për të qëndruar në klubin italian, ku luan që nga viti 2020. Gjatë sezonit aktual, ai ka regjistruar 23 paraqitje, një gol dhe një asist, megjithëse ka humbur disa ndeshje për shkak të një lëndimi. Vlera e kartonit të tij sipas Transfermarkt është 12 milionë euro, ndërsa paga e tij bazë më parë ishte 3.2 milionë euro me bonuse të mundshme deri në 800,000 euro.