Carlo Ancelotti ka refuzuar ofertën për të marrë drejtimin e kombëtares së Italisë, duke konfirmuar përkushtimin e tij ndaj projektit me Brazilin. Federata Italiane e Futbollit kishte kontaktuar edhe Pep Guardiolën, por edhe ai ka dhënë një përgjigje negative, duke lënë të hapur zgjedhjen e trajnerit të ri. Ish-mbrojtësi legjendar Paolo Maldini ka konfirmuar se dy trajnerët më të përfolur nuk do të rikthehen në pankinën e “Azzurrëve”. Tani Federata ka në dispozicion vetëm tre alternativa të tjera, ndërsa e ardhmja e kombëtares mbetet në pritje të një vendimi të rëndësishëm.