Sonte Kombëtarja e Brazilit përballet me Japoninë në një ndeshje vendimtare për eliminim direkt në Kupën e Botës. Trajneri Carlo Ancelotti ka deklaruar se Neymar është në formë të mirë dhe mund të luajë më shumë se 15 minuta, por ende nuk është gati për të nisur ndeshjen si titullar. Ylli brazilian u rikthye pas një mungese trevjeçare për shkak të dëmtimeve serioze, por Ancelotti preferon të mos nxitojë me përdorimin e tij të plotë në fushë. Përballja me Japoninë, një kundërshtar në formë të shkëlqyer dhe me rezultate të mira në këtë Botëror, pritet të jetë sfidë e fortë, ndërsa trajneri brazilian refuzon të merret me provokimet e lojtarëve kundërshtarë dhe fokusohet vetëm te përgatitja e ekipit të tij.