Kombëtarja e Brazilit ka publikuar listën e lojtarëve për ndeshjet miqësore të marsit 2026 kundër Francës dhe Kroacisë, si përgatitje për Kupën e Botës 2026. Trajneri Carlo Ancelotti ka vendosur të mos përfshijë yllin Neymar Jr, i cili nuk ka luajtur për kombëtaren që nga tetori 2023 për shkak të dëmtimeve serioze në gju. Megjithë rikthimin e Neymarit te Santos dhe përfshirjen në listat paraprake, shqetësimet për gjendjen e tij fizike dhe mungesa në ndeshjet e fundit të klubit kanë bërë që Ancelotti ta lërë jashtë për momentin. Ende nuk dihet nëse Neymar do të jetë pjesë e listës përfundimtare të Brazilit për Botërorin e verës 2026.