Qendërmbrojtësi i Kombëtares së Kosovës, Andi Hoti, u detyrua të largohet para kohe nga stërvitja e dytë për ndeshjet miqësore ndaj Çekisë dhe Andorrës për shkak të një lëndimi në nyje. Federata e Futbollit e Kosovës njoftoi se futbollisti 23-vjeçar do t’i nënshtrohet ekzaminimeve mjekësore për të përcaktuar shkallën e lëndimit. Hoti ishte rikthyer në ekip pas një periudhe të gjatë mungese dhe tani mbetet e paqartë nëse do të jetë në dispozicion për ndeshjet që do të zhvillohen më 28 maj në Pragë kundër Çekisë dhe më 7 qershor në Prishtinë kundër Andorrës. Situata e tij do të përcaktohet pas vlerësimeve të stafit mjekësor të Kombëtares.